Mira cheu quei cor, il qual ha ton carezau ils carstgauns! (Plaids de Jesus)

Empermischuns, che nies divin Salvader ha fatg alla S. M. Margaretha Alacoque en favur dils vérs veneraturs de siu ss. Cor, sco era de tuts quels, ils quals promovan quella bialla devoziun:

1. Jeu vi dar als veneraturs de miu ss. cor tuttas quellas grazias, ch' els han da basegns en lur clomada.


2. Jeu vi purtar la pasch en quellas familias, nua ch' il miu ss. cor vegn veneraus.


3. Jeu vi consolar ils veneraturs de mia ss. cor en lur cruschs e tribulaziuns.


4. Jeu vi esser lur refugi en veta e spezialmein sin pugn de mort.


5. Jeu vi benedir els en tuttas lur interpresas.


6. Ils pucconts vegnan ad enflar el miu cor ina mar de misericordia.


7. Ils tievis vegnan entras quella devoziun a daventar fervents.


8. Quels, ch' ein fervents, vegnan entras quella devoziun ad arrivar tier gronda perfecziun.


9. Jeu vi benedir quellas casas, nua ch' il maletg de miu ss. cor vegn exponius e veneraus.


10. Als spirituals, che venereschan miu ss. cor, vi jeu dar la grazia, ch' els possian muentar ils pli stinai pucconts.


11. Ils noms de quels, che promovan quella devoziun, vi jeu scriver en miu cor.

Miu car christifideivel

Vul ti segirar a tetez las pli abuldontas grazias per olma e tgerp, per questa e per l'autra veta, sche venerescha sincer e profundamein il ss. Cor de Jesus. Quei di a ti il divin Salvader sez entras las carinas empermischuns, ch'el ha fatg als veneraturs de siu ss. Cor. Teidla co El plaida de quella devoziun tier sia survienta B. M. Margreta Alacoque:

"Jeu vi dar als veneraturs de miu ss. Cor tuttas quellas grazias, ch'els han de basegns en lur clamadas."

"Jeu vi purtar la paisch en quellas familias, nua che miu ss. Cor vegn veneraus."

"Jeu vi consolar ils veneraturs de miu ss. Cor en lur cruschs e tribulaziuns."

"Jeu vi esser lur refugi en veta e spezialmein sin pugn de mort."

"Jeu vi benedir els en tuttas lur interpresas."

"Ils pucconts vegnan ad enflar en miu Cor ina mar de misericordia."

"Ils tievis vegnan entras quella devoziun a daventar fervents."

"Quels ch'ein fervents vegnan entras quella devoziun ad arrivar tier gronda perfecziun."

"Jeu vi venedir quellas casas, nua ch'il maletg de miu ss. Cor vegn exponius e veneraus."

"Als spirituals, che venereschan miu ss. Cor vi jeu dar la grazia, ch'els possien muentar ils pli stinai pucconts."

"Ils nums de quels, che promovan quella devoziun vi jeu scriver en miu Cor."

Car christianeivel, legia savens quella harta, imprima bein en tia memoria siu consoleivel contegn, e seiges in ver e fideivel veneratur de quei ss. Cor!

Imprimatur: Ordinariatus Episcopalis Curiensis, 6 Febr. 1915.

Plaids de Jesus alla beada Margreta Maria Alacoque

Prend mira cheu, quei Cor, che ha carezau ils carstgauns aschi fetg!
(Plaids de Jesus alla beada Margreta Maria Alacoque)

Sinngemäße Übersetzung ins Deutsche:
Nimm und siehe, das Herz, das die Menschen so innig (so sehr) geliebt hat.
(Worte Jesu an die selige Margareta Maria Alacoque)

Der Text ist im rätoromanischen Idiom: "Sursilvan" (Vorderrheintal: Ilanz - Disentis) geschrieben.

Prend = nimm; mira cheu = schau hin; quei Cor = dieses Herz; che ha = das hat; carezau = geliebt; ils carstgauns = die Menschen; aschi = so; fetg = fest

Immaculau Cor de Maria, roga per nus!

Glorificau seigi, adina e dapertut il sontgissim Cor de Jesus et igl immaculau Cor de Maria. Amen.
(Mintga gada 100 dis perdun.)
Immaculau Cor de Maria, roga per nus!
(Mintga gada 100 dis perdun.)
Dulsch Cor de Maria! Seigies miu salvamen!
(Mintga gada 300 dis perdun. - Mintga meins perdun cumplein.)
Cara Nossa Duna dil sontgissim Cor, roga per nus!
(Mintga gada 100 dis perdun.)
Benedida seigi la sontga ed immaculata conceptziun della beatissima purschalla Maria.
(Mintga gada 100 dis perdun.)

Act de carezia e veneraziun encunter la s. Crusch

O crusch adorabla de miu Salvader, jeu salidel tei cun respect e carezia perquei che ti, meritas il respect e la carezia dil tschiel e della tiara. O che tia dignitat ei pauc enconoschenta; ti eis il ligiom, che tegns ligiaus Dieus cull' olma, e l'olma cun Diu; ti eis il port dil salid e la speronza e confidonza dellas olmas humiliteivlas, che enqueran de vegnir sprezadas e humiliadas; perquei che ti o miu Diu, has elegiu il sprez e la humiliaziun ed eras disponius de suffrir tuttas sorts affrunts ed ingiurias per ils puccaus dils carstgeuns ed il salid dellas olmas. O miu adurabel Jesus! jeu embratschel tia sontga Crusch, jeu ritscheivel ella cun compleina resignaziun enten tias sontgas ordinaziuns; jeu strenschel ella encunter miu cor. Tia sontga ed adorabla veglia daventi sin tiara, sco en tschiel.

Oraziun tier Nossadunna per urbir ora ina beada mort

O Maria, concepida senza macla, roga per nus, che recurin tier tei. O refugi dils pucconts, Mumma dils moribunds, buca banduna nus sin l'ura de nossa mort, urbescha po ora a nus ina perfetga ricla, sincera dolur e remischun de nos puccaus, sco era la grazia, che nus pudeien retscheiver vengonzamein il ss. Sacrament digl altar e vegnir fortificai cul s. Jeli, sinaquei che nus daventeien vengonz de comparer segiramein avon il tron dil gest, mo era misericordeivel derschader Jesus Cristus, Niessegner e Salvader. Amen.
(100 dis p. ina ga per di 1856.)

1. Mumma della grazia, dellas dolurs e della misericordia, roga per nus.
(mintga ga 300 dis p. 1908.)
2. O Maria, nossa speronza, fai grazia cun nus.
(mintga ga 300 dis p. 1906.)
3. O Maria zun combriada, Mumma de tuts cristifideivels, roga per nus.
(mintga ga 300 dis p. 1906)

Imprimatur: Curiae, die 11. Martii 1913. Ordinariatus Curiensis.

Miu car christifideivel:

Vul ti segirar a tetez las pli abuldontas grazias per olma e tgerp, per questa e per l'autra veta, sche venerescha sincer e profundamein il ss. Cor de Jesus. Quei di a ti il divin Salvader sez entras las carinas empermischuns, ch'el ha fatg als veneraturs de siu ss. Cor. Teidla co El plaida de quella devoziun tier sia survientaB. M. Margreta Alacoque:

"Jeu vi dar als veneraturs demiu ss. Cor tuttasquellas grazias, ch'els han debasegnsen lur clamadas."
"Jeu vi purtar la paisch en quellas familias, nua che miu ss. Cor vegn veneraus."
"Jeu vi consolar ils veneraturs de miu ss. Cor en lur cruschs e tribulaziuns."
"Jeu vi esser lur refugi en veta e spezialmein sin pugn de mort."
"Jeu vi benedir els en tuttas lur interpresas."
"Ils pucconts vegnan ad enflar en miu Cor ina mar de misericordia."
"Ils tievis vegnan entras quella devoziun a daventar fervents."
"Quels ch'ein fervents vegnan entrasquella devoziun ad arrivar tier gronda perfeziun."
"Jeu vi benedir quellas casas, nua ch'il maletg de miu ss. Cor vegn exponius e veneraus."
"Als spirituals, che venereschan miu ss. Cor vi jeu dar la grazia, ch'els possien muentar ils pli stinaipucconts."
"Ils nums de quels, che promovan quella devoziun vi jeu scriver en miu Cor."

Car christianeivel, legia savens quella harta, imprima bein en tia memoria siu consoleivel contegn, e seiges in ver e fideivel veneratur de quei ss. Cor!

Imprimatur: Ordinariatus Episcopalis Curiensis, 6 Febr. 1913

Oraziun tier Nossadunna de Ziteil

Salidada seies ti, gloriusa Mumma de grazia! Cun confidonza affonila sin tias buntadeivlas empermischuns fatgas a quei pietus pastur, al qual ti eis cheu comparida, vegnel era jeu oz tier tei, per obtener ina de quellas grazias, che ti partas ora en quei liug, da tei per quest intent elegius, a tes basegnus affons, ils quals visetan tei cheu e domandan tiu agit. O Maria, Regina dil tschiel gida er mei enquest basegns (ins damanda tgeinin). Tgi ha implorau inagâ tia intercessiun en sias tristezias e miserias, e buca sentiu igl effect de tiu agit? Exauda pia era mei, ed in di meina mei cun tiu maun matern avon il tron de tiu divin Fegl, ed allu urbescha ora mi la veta perpetna. Amen. - 3 Salidadas.

Firaus de Ziteil.
Il Santuari de Ziteil ei aviarts dellas dus dil di avon ils suondonts dis. Iuni ils 26 e 29. Juli ils 2, 11, 22, 25 e 26. Uost ils 5, 10, 16 e 24. Settember ils 8, 21 e 29. En quels dis ei mintgaga perdun complein.

Nihil Obstat - Ord. Curiensis. Imprimatur 6 Mart. 1911, I. Balzer Libr. Censor.

Oraziuns a Nossa Donna de Caravatg

venerada a Solis per urbir ora da Diu, entras Ella, grazia ed agid en tuts basegns.

O zun migeivla e dulscha nossa Mumma Maria: che cul comparer alla paupra e fetg conbriada Giuanetta; ed eunc pli cun leventar si ina fontauna nunstizzenteivla de grazias en favur de quels, che cun confidonza recuorren tier Vus, esses sedada ad enconoscher, quala esses en verdat, quei ei l'amureivla trostigiadra dils conbriai ed il salit dils malsauns: ah steis tier er'a nus en tuttas nossas malsognas e tribulaziuns, cugl' urbir ora a nus da Diu enten quellas pazienzia e confiert, salit e merit.
Schei ina salidada e per suenter. U salit dils malsauns roghei per nus. U consolaziun dils combriai roghei per nus.
O zun amureivla Mumma e nossa Advocata, ch'entras quels plaids endrizzai alla buna Giuanetta, esses sedada ad enconoscher sco quala en verdat Dieus ha Vus constituiu; quei ei il rifugi de tuts ils paupers pucconts: pernei mira! era nus supplichein, che leies esser adina la nossa Advocata pietusa.
Urbei ora a nus da Diu ina sinsera recle dils noss puccaus, in general perdunamen de quels, la pasch e la quietezza della conscienza.
Salidada, ecc. U refugi dils pucconts, roghei per nus.
O zun gloriusa Regina dil tschiel e della tiarra, che figend da saver entras la ventireiula Giuanetta, che Vus eras sepresentada avon il tron digl Altissim, per obtener, sco Mediatura de pasch, misericordia pils laschai cristgeuns, smantischai da sgarscheivels strofs: ed esses taluisa sedemossada il pli pussent agid dils cristifideivels: ah! vegneis adina tier er'a nus en tuts noss basegns, en tuts prighels dell'olma e dil tgevp: sinaquei che giedai da Vus, da Vus schurmiai en veta; da Vus confurtai e defendi sil pung della mort, pudeien per suenter vegnir leu si en parvis a render a Vus grazias perpetuas e gloria senza fin. Amen.
Salidada, ecc. U agid dils cristifideivels, roghei per nus.

Ina salidada ed in requiem per tuts ils benefacturs dil Sanctuari de Solis.